首爾之旅真係好辛苦......不過除左滑雪同搬貨之外,真係無咩吸引會再去........
我坐ai ,15號朝早0730出發,21號1350回程,$1680+稅
住就住南山賓館45000 won一晚/2人房,加多張床加10000won一晚,
但住1號館比較高,日日都行上去,要尾幾日先慣。但呢間民宿都幾ok,早餐有杯麵及麵包提供,有電腦有wifi,咁平算係咁
坐朝早7:30機去首爾,都係要半夜起身,3點幾4點起身去搭機場巴士,5點幾就到,check完in,食個早餐,hea一陣就上得機。
上到機又無傳閒中咁大味,其實同普通機差不多,但位細,同坐西北一樣,架機又夠定,又多吉位,可以調位訓一陣!
飛左唔夠30分鐘又食野,其實仲飽緊....不過都試下啦。第一個係我地之前訂定o既海鮮餐,第2個係普通煎蛋,第3個係印度餐....
海鮮餐其實即係三文魚炒蛋,都幾好食呀,同埋第2個煎蛋都唔錯,但唔肚餓所以無食曬,不過個印度餐就真係唔太識欣賞啦xd
到首爾仁川果陣已經12點幾左右,都係拎下行季就去6015出明洞,唔洗2點就到明洞,但因為要過對面馬路,又要將d 行季搬上搬落,首爾d 地鐵站無電梯真係超級唔方便,搬完一大輪仲要上山先到我地住o既民宿。
初初第一日真係好唔慣,要行到咁高先可以休息,仲要拎埋行季,但行多幾日就開始慣曬-.-.......但無計因為呢度平,3個人住5萬5won(即唔洗400蚊一晚)。
安頓好之後落山食得地o既首爾第一餐,都係去左間cafe 到食,首爾d cafe 真係仲多過d 便利店,日日試佢d 包都已經好飽,不過普遍偏甜,就算有肉o既包都係偏甜,就算係一塊多士都要落沙糖一齊焗......真係有小小唔明,但d cake 就好靚,包裝又靚!第一間就去左paris baguette ,以前香港都開過,但唔掂走左
跟住就搭地鐵踩去蠶室,到樂天世界。但途中見到plan 左想食o既Isaac,當然食左先啦!!(之後就真係無見過了)
即叫即整,韓牛蛋治!!呢個真係最有肉味o既包啦,之後食果d 都真係差得遠.....(2800won)
好啦~~入樂天世界啦,有折扣卡,晚間入場卷仲有8折!!
係室內睇完一輪show之外,出去玩左陣機動遊戲....真係凍到抽筋.........
玩到9:30再影下相咁,之後就閃去樂天超市買定d 消夜,估唔到人人都話好食o既market O,都係不外如是,仲有2500won 得4舊,真係你買埋我果份......
跟住回明洞,明洞d 鋪頭大約10:30就關門,變得無野行,連d小食檔都開始收。
咁無法啦,去快餐店攪掂,揀左去lotteria,因為我一心想去試食芝士條xd
Day 1 完~
|